ဇင်းကျိုက်မြို့မှ စင်္ကာပူနိုင်ငံတွင် အလုပ်လုပ်ကိုင်နေကြသူများ၏ လူမှုရေးအခက်အခဲများကို ကူညီဖြေရှင်းပေးနိုင်ရန်နှင့်ဇင်းကျိုက်မြို့အားခေတ်မှီမြို့အဖြစ် တည်ဆောက်ရေးလုပ်ငန်းများတွင် စနစ်တကျပါဝင်ကူညီပေးနိုင်ရန် ဇင်းကျိုက်အားမာန်အသင်းကိုဖွဲ့စည်း၍ လုပ်ငန်းစီမံချက်များ၊ စည်းမျဉ်းများ ချမှတ်ဆောင်ရွက်သွားမည် ဖြစ်ပါသည်။
(က) ဇင်းကျိုက်မြို့မှ စင်္ကာပူရောက်အလုပ်သမားများ၏ လူမှုရေးအခက်အခဲများ၊ လုပ်ငန်းခွင်ပြဿနာများကို ကူညီဖြေရှင်းပေးနိုင်ရန်။
(ခ) ဇင်းကျိုက်မြို့အား ခေတ်မှီမြို့အဖြစ် တည်ဆောက်ရေးလုပ်ငန်းများတွင် တတက်တအား ပါဝင်ကူညီရန်(ပညာရေး၊ကျန်းမာရေး၊လူမှုရေး၊ဘာသာရေး အသင်းအဖွဲ့များနှင့်ဆက်သွယ်၍ အကူအညီပေးရန်)။
(ဂ) ဇင်းကျိုက်မြို့မှ လူငယ်များ ပြည်ပအလုပ်အကိုင်ရရှိရေးလုပ်ငန်းများ၊ နှင့် ဇင်းကျိုက်မြို့မှ စင်္ကာပူနိုင်ငံတွင် လာရောက်ပညာသင်ကြားနေသော ကျောင်းသား/သူများအား ထောက်ပံ့ကူညီရန်။
ဇင်းကျိုက်အားမာန်အသင်းသည် လူမှုဝန်ထမ်းလုပ်ငန်းတစ်ခုဖြစ်သည်နှင့်အညီ လုပ်ငန်းအပေါ် လူတို့၏ထင်မြင်ယူဆမှုသဘောထားအမျိုးမျိုးရှိမည်သာဖြစ်ပါသည်။ မည်သို့ပင်ထင်မြင်ယူဆသဘောထားကြသည်ဖြစ်စေ အခက်အခဲအကြပ်အတည်းကြုံနေသူတို့အား သန့်ရှင်းသောစေတနာဖြင့် အတက်နိုင်ဆုံးဖြည့်ဆည်းကူညီပေးရန်နှင့် မိမိတို့၏ ဇာတိမွေးရပ်မြေဖွံ့ဖြိုးတိုးတက်ရေးအတွက် တတက်တအားပါဝင်ပြီး အသင်းကြီးအရှည်သဖြင့် တည်တံ့ခိုင်မြဲနေအောင် လက်တွဲညီညီကြိုးပမ်းဆောင်ရွက်သွားမည်ဖြစ်ပါကြောင်း တင်ပြအပ်ပါသည်။
ဇင်းကျိုက်အားမာန် အသင်း၏ရည်ရွယ်ချက်
စာရေးသူ- မင်းသက်စံ ရေးသားချိန် 6:08 AM 0 အကြံပေးချက်
စာတင်လောက်ပေ ဇင်းကျိုက်မြေ
သမိုင်းရာဇဝင်တွင်ဂစ္ဆဂီရိဟုအမည်တွင်ခဲ့သောဇင်းကျိုက်တောင်သည်ထူးခြားလေးမြတ်သောအောင်
မြင်မှုကိုဆောင်နင်းပေးသော၊ထွက်ရပ်ပေါက်တို့၏အောင်မြေဖြစ်သောဂုဏ်ပုဒ်ဝိသေသတို့နှင့်ထင်ပေါ်
ကျော်ကြားမှတ်တမ်းသမိုင်းများစိုက်ထူခဲ့ပါသည်။ဝိဇ္ဇာနဂါးတို့ပျော်ရွင်မြူးရာမြေ၊သူတော်စင်အပေါင်း
ကိန်းအောင်းမွေ့ပျော်ရာမြေ၊ဆံတော် ရှင်ကိန်းဝပ်ရာမြေ လည်းဖြစ်ပါသည်။
ဇင်းကျိုက်မှအစပြု၍ဖြစ်ပေါ်ခဲ့သောဖြစ်ရပ်မှန်တို့သည်ရာဇဝင်တွင်ထင်ရှားပေါ်လွင်ခြင်း၊ သမိုင်းတွင်
ရစ်စေခြင်း၊ကမ္ဘာကျော်ခြင်းတို့ရှိခဲ့ပါသည်။
မြန်မာသာမကကမ္ဘာ့အံ့ဖွယ်စာရင်းဝင်သောဆံတော်ရှင်ကျိုက်ထီးရိုးစေတီပေါ်ပေါက်အောင် စေတီတည်ခဲ့သော ဘုရားဒကာမှာဂစ္ဆဂီရိ(ဇင်းကျိုက်)တောင် တိသ၁ရသေ့ဖြစ်ခြင်း၊ ပုဂံရာဇဝင်တွင် ဟိုးလေးတကျော် ထင်ပေါ်ခဲ့သည့်လူစွမ်းကောင်း ဗျတ္တသည်လည်း ဇင်းကျိုက်တွင်ရေမျောကမ်းတင်ပြီးမှ ဖိုဝင်သားစား လူစွမ်းကောင်းတစ်ဦးအဖြစ် ဇင်းကျိုက်မှ မွေးထုတ်ပေးလိုက်ခြင်း၊ ဝိဇ္ဇာနှင့် နဂါးအကြောင်းပါ၍ ဇင်း
ကျိုက်တောင်တွင် မွေးဖွား နဂါးလူသားသည် သထုံရာဇဝင် သထုံပြည့်ရှင်မင်း တိသ၁သီဟဓမ္မရာဇာမင်း အဖြစ်ထင်ပေါ်ကျော်ကြားခြင်း၊ ဇင်းကျိုက်တောင်တွင် ကိန်းအောင်းမွေ့ပျော်သီတင်းသုံးခဲ့သည့် ဗားမဲ့ဆရာတော်သည် ထွက်ရပ်ပေါက်လမ်း ဗား(၄)ဗားစာရင်းဝင် ထင်ပေါ်ကျော်ကြားခြင်း၊ စသည့်သမိုင်းရာဇဝင်တွင် ဖြစ်ရပ်မှန်ရှိခဲ့ပါသည်။
မြန်မာ့လေတပ်သမိုင်းတွင် ထင်ရှားကျော်ကြား၍ မော်ကွန်းတင်စာရင်းဝင်ထဲတွင် ဇင်းကျိုက်သားဖြစ်သော သူရအုန်းခိုင်သည်လည်း တစ်ဦးအပါအဝင်ဖြစ်ခြင်း၊ ဇင်းကျိုက်ကျော်စိုင်ကျောက်သားတို့သည်လည်း ထူးခြားပါဝင်စွာရပ်တည်နိုင်ခဲ့သည့် မှတ်တမ်းရှိခဲ့ပါသည်။ သာသနာတော်တွင်ဆဋ္ဌမအကြိမ် သံဃာယနာ တင်နိုင်ရန်အလို့ငှာ ရန်ကုန်မြို့၊ ကမ္ဘာအေးကုန်းမြေတွင် မဟာပါသာဏလှိုဏ်ဂူတော်ကြီးကို ဇင်းကျိုက်ကျောက်စိုင်၊ကျောက်သားများဖြင့် အုပ်မိုးတည်ဆောက်ခဲ့ခြင်း၊နိုင်ငံအနှံ့လမ်းတံတားများတွင် ပါဝင်ရပ်တည်ခဲ့ခြင်းအပြင် ဟိုယခင်က နိုင်ငံရပ်ခြားစင်္ကာပူသို့ပို့ကုန်အဖြစ်တင်ပို့ခဲ့ဘူးပါသည်။
ဆံတော်ရှင်ကိန်းဝပ်ရာ ထူးခြားလေးမြတ်သည့် ဇင်းကျိုက်တောင်၏ အရိပ်ကိုခို၊ တောင်တော်မြတ်မှစီးကျလာသောစမ်းရေကိုသောက်နေကြသည့် ဇင်းကျိုက်သားတို့သည် ဘာသာရေးသာသနာရေးတို့တွင် ထူးထူးခြားခြားအလေးအမြတ်ထားကြ၍ ကုသိုလ်ရေးတွင်လည်းလက်မနှေးသော ပုဂ္ဂိုလ်များဖြစ်ကြပေသည်။
ကြိုးစားရိုးသား၍စည်းလုံးညီညာရှိခြင်းကြောင့်လည်းကောင်း၊ တဦးနှင့်တဦးဖေးမညာတာ ဝိုင်းဝန်းကူညီတတ်မှုရှိခြင်းကြောင့်လည်းကောင်း၊ ဇင်းကျိုက်သည် တစိုက်မတ်မတ် တိုးတက်ဖွံ့ဖြိုးလာခဲ့ရာ ယခင်ကျေးရွာအဆင့် မှ မြို့အဆင့် ၍ သို့ဖြစ်ပေါ်ပြောင်းလဲခဲ့ပြီးဖြစ်ပါသည်။ ဆက်လက်၍လည်း အရှိန်အဟုန်နှင့်တိုးတက်ပြောင်းလဲလျှက်ရှိနေသည့် ဇင်းကျိုက်သို့ တစ်ခေါက်တစ်ခါအပန်းဖြေလေ့လာ၍ လာရောက်အနားယူကြဖို့ ဖိတ်ခေါ်လိုက်ရပါသည်။
စာရေးသူ- မင်းသက်စံ ရေးသားချိန် 3:03 PM 0 အကြံပေးချက်
ထေရ
ထေရဆိုတာ အရှင်မဟာကဿဖ အစရှိသော ရဟန်းတာအရှင်မြတ်တို့၏ ခိုင်မြဲသော အယူကိုခေါ်ပါသည်။ တနည်းအားဖြင့် အလွန်ခိုင်ခံ့မာကြော ကျစ်လစ်သော ကျောက်စာတိုင်သည် အရပ်လေးမျက်နှာမှ တိုက်ခတ်လာသော လေပူ၊ လေအေး၊ လေနု၊ လေကြမ်း မုန်တိုင်းများဒဏ်ကြောင့် ရွေ့လျားယိမ်းယိုင်ခြင်းမရှိသကဲ့သို့ ထေရ ဆိုသည်မှာ လည်း သံဃာတော်များ၏ အယူသည် သီလဖြင့်ခိုင်မြဲခြင်း၊ သမာဓိဖြင့်ခိုင်မြဲခြင်း၊ ပညာဖြင့်ခိုင်မြဲခြင်းဟု ဆိုလိုပါသည်။ ကျွန်တော်တို့ဗုဒ္ဓဘာသာဝင်တို့သည် ထိုသီလ၊ သမာဓိ၊ ပညာတို့ဖြင့် ခိုင်မြဲနေရပါမည်။ ခဏ ခိုင်မြဲခြင်းမှသည် ထာဝရ ခိုင်မြဲခြင်းဆီသို့ မဖြစ်မနေ တက်လှမ်းရမည့် အလုပ်မှာ ဗုဒ္ဓဘာသာ ဝင်တိုင်း လုပ်ရမည့်တာဝန်ဖြစ်ပါသည်။ သို့မှသာဗုဒ္ဓဘာသာဝင်တို့၏ ရည်မှန်းချက်ပန်းတိုင် ဖြစ်သော မအို၊ မနာ၊ အမြဲနေသော၊ ထာဝရခိုင်မြဲသော နိဗ္ဗာန်ဆီသို့ ရောက်ရှိနိူင်ကြပါမည်။ ဤထေရဆိုသော စကားလုံးအား လွန်ခဲ့သော နှစ်ပေါင်း (၂၅၅၀) ကျော် ဘုရားရှင် ပရိနိဗ္ဗာန် စံတော်မူပြီး (၃)လအကျော် (၄)လမြောက်တွင် ရာဇဂြိုလ်တွင် ကျင်းပခဲ့သော ပထမသင်္ဂါယ နာတင်တော်မူသောအချိန်မှစတင်သုံးစွဲခဲ့ပါသည်။
စာရေးသူ- မင်းသက်စံ ရေးသားချိန် 8:14 PM 0 အကြံပေးချက်
မြန်မာတို့ရှိခိုးနေကျ သြကာသဘုရားရှိခိုး
သြကာသ၊ သြကာသ၊ သြကာသ၊ ကာယကံ ၊ ၀စီကံ ၊ မနောကံ သဗ္ဗဒေါသ ခပ်သိမ်းသော အပြစ်တို့ကို ပျောက်ပါစေခြင်းအကျိုးငှာ ပထမ၊ ဒုတိယ၊ တတိယ၊ တစ်ကြိမ်၊ နှစ်ကြိမ်၊ သုံးကြိမ် မြောက်အောင် ဘုရားရတနာ၊ တရားရတနာ၊ သံဃာရတနာ၊ ရတနာမြတ်သုံးပါးတို့ကို အရိုအသေ အလေးအမြတ် လက် အုပ်မိုး ၍ ရှိခိုးပူဇော် ဖူးမြော်မာန်လျော့ ကန်တော့ပါ၏အရှင်ဘုရား။
ကန်တော့ရသော အကျိုးအား ကြောင့် အပါယ်လေးပါး ၊ ကပ်သုံးပါး ၊ရပ်ပြစ်ရှစ်ပါး၊ ရန်သူမျိုးငါးပါး ၊ ၀ိပတ္တိတရားလေးပါး ၊ဗျဿနတရားငါးပါး တို့မှ အခါခပ်သိမ်း ကင်းလွတ်ငြိမ်းသည်ဖြစ်၍ နိဗ္ဗာန်ချမ်းသာ တရားတောာ်မြတ်ကို ရပါလို၏အရှင် ဘုရား။
အနက် ။ ။သြကာသ သြကာသ ၊သြကာသ - ရှိခိုးပါရစေ အခွင့်ပြုတော်မူပါ (၃)ကြိမ်။ ကာယကံ ၊၀စီကံ ၊ မနောကံ သဗ္ဗဒေါသ ခပ်သိမ်းသော အပြစ်တို့ကို ပျောက်ပါစေခြင်းအကျိုးငှာ - ကိုယ်ဖြင့် ပြုမူပြစ်မှားမိခဲ့သော ကာယအမူ၊နှုတ်ဖြင့် ပြောဆိုပြစ်မှားမိခဲ့သော ၀စီအမှု ၊ စိတ်ဖြင့်ကြံစည်ပြစ်မှားမိခဲ့သော မနောအမှု စသည့် ထိုကံသုံးပါးတွင် တစ်ပါးပါးသော ကံတို့ဖြင့် ဘုရား၊ တရား၊ သံဃာ၌ လည်းကောင်း၊ ဆရာသမား မိဘ ဘိုးဘွား အစရှိသော
လူကြီးသူမများ၌လည်း ကောင်း ပြစ်မှားမိခဲ့လျှင် ကင်းရှင်းပြေပျောက်ပါစေခြင်း အကျိုးငှာ၊ ပထမ၊ ဒုတိယ၊ တတိယ၊ တစ်ကြိမ်၊နှစ်ကြိမ် ၊ သုံးကြိမ်မြောက်အောင်-ပထမက ဒုတိယ၊ ဒုတိယ က တတိယ၊ တစ်ကြိမ်က နှစ်ကြိမ်၊ နှစ်ကြိမ်က သုံးကြိမ်တိုင်အောင်၊ ဘုရားရတနာ၊ တရားရတနာ ၊ သံဃာရတနာ ရတနာမြတ်သုံးပါးတို့ကိုအရိုအသေ အလေး အမြတ် လက်အုပ်မိုး၍- နှစ်သက်မွေ့လျော်ခြင်းကို ဖြစ်စေတတ်သော၊ အလေး အမြတ်ပြုအပ်သော ၊ အလွန်ရခဲသော၊ ရှေးဘုန်းရှေးကံ ရှိသူတို့သာ တွေ့ကြုံခွင့် ရနိုင်သော “ဘုရားအမြတ်ဆုံးရတနာ၊ တရားအမြတ်ဆုံးရတနာ၊သံဃာအမြတ်ဆုံး ရတနာ”ဟု ဆိုအပ်သော ရတနာမြတ်သုံးပါးတို့အား ရိုသေမြတ် နိုး လက်အုပ်မိုး၍၊ ရှိခိုးပူဇော် ဖူးမြော်မာန်လျောကန်တော့ပါ၏အရှင်ဘုရား- ဟိတ်ဟန်မပြ မာန်မာန လျော့ချ၍ ကြည့်ရှုဖူးမြော် ကန်တော့ပါ ၏အရှင်ဘုရား။
ကန်တော့ရသော အကျိုးအားကြောင့်- ဤကန်တော့ရသော ကုသိုလ်အကျိုးအား အစွမ်းကြောင့်၊ အပါယ်လေးပါး- (၁) ကုသိုလ်ကောင်းမှု များစွာပြုခွင့်မရကြသော ငရဲကြီးများဖြစ်ကြသည့် (က) အကုလိုလ်ကံ မကုန်သေးသမျှတစ်ခါတည်း သေ ကြေ ပျောက်ပျက်မသွားဘဲ ထပ်ခါထပ်ခါ အသက်ရှင်လျှက် ငရဲထိန်းတို့၏ ခုတ်ဖြတ်မှုကိုသာ ပြင်းစွာခံကြရရှာသောသိဉ္စိုးငရဲ၊ (ခ) ငရဲသားတို့ကို ငရဲထိန်း တို့က သားကောင်ကို ခွေးတွေလိုက်သလိုအတင်းလိုက်ကြပြီး မောဟိုက်သွား သည့်အခါ သစ်တုံးကြီးကို သစ်ရွေသမားတို့က ခုတ်ရွေကြသကဲ့သို့ ကျကျနန မျဉ်းကြိုးချ၍ ပက်လက်တစ်မျိုး ၊ မှောက်လျက်တစ်မျိုး ၊ ၀ဲယာတစ်မျိုး ၊ ရှေ့နောက်တစ်မျိုး အားဖြင့် အကုလိုလ်ကံ မကုန်သေးသ၍ လွတ်ခွင့်မရနိုင်ကြဘဲ အမျိုးမျိုးခုတ်ရွေခံကြရသည့်ကာဠသုတ်ငရဲ၊ (ဂ) အောက်မြေအပြင်မှာ မီးလျံတွေ ထလျှက် အထု (၉) ယူဇနာရှိသောသံမြေပြင်ကြီးဖြစ်၌ ငရဲသားတို့ဟာထန်းပင် ငုတ်လေးတွေစိုက်ထားသလို ခါးထိအောင်စိုက်ထားခြင်းခံရပြီး အရှေ့အရပ်မှ လာသော သံတောင်ကြီးက စားမည်ဝါးမည်ဆိုနေသလို တဒိန်းဒိန်း တခြိမ်းခြိမ်း မြည်ဟီးလျက် ကြိတ်ကာကြိတ်ကာ အနောက်အရပ်သို့သွားပြီးတောင်အရပ်မှ သံတောင်ကြီးက ထိုနည်းအတိုင်းပင် ကြိတ်ကာကြိတ်ကာမြောက်အရပ်သို့ သွား ပြီးလျှင် အနောက်အရပ်သို့ ရောက်ပြီးသော သံတောင်ကြီး ကလည်းအရှေ့ အရပ်သို့ ကြိတ်ကာကြိတ်ကာပြန်၍လာခြင်းဖြင့် အရပ်လေးမျက်နှာမှ သံတောင် တွေ သန်းဥတုတ်သလို ဖိနှိပ်ကြိတ်ချေသော်လည်း အကုသိုလ်ကံမကုန်သမျှ ငုတ်စုစု ပေါ်ထွက်လျက် ဆက်ကာဆက်ကာ အကြိတ်ခံရရှာသောသံဃာတငရဲ ၊ (ဃ) မီးတောက်တို့သည် တ၀ုန်းဝုန့်း ထလျက်ငရဲသို့ကျရောက်သူတို့၏ ဒွါရ(၉)ပေါက်မှ အတင်းဝင်ရောက်လောင်ကျွမ်းသဖြင့် အလွန်အားငယ်စွာတစာစာ အော်ကြရရှာပြီး ပြင်းစွာငိုကြွေးခြင်းဖြင့်မီးတောက်မီးလျှံ အလောင်ခံနေ ကြရသောရောရုာဝငရဲ ၊ (င) မီးခိုးတို့တစ်ငရဲလုံးဖုံးလွှမ်းနေပြီး ငရဲသို့ကျရောက် သူတို့ကို မီးခိုးတို့က အတွင်းအပြင် အတင်းဝင်၍ နှူးနှပ်ကြသောကြောင့် ငရဲသူငရဲသားတို့မှာ ဘာမှမတတ်နိုင်ကြတော့ပဲ သနားစဖွယ် အားငယ်စွာ အော်နေကြရရှာသောမဟာရောရုဝငရဲ၊ (စ) ငရဲသို့ကျရောက်သော သတ္တ၀ါများကို ထန်းလုံးလောက်ကြီးမား၍ မီးလျှံထနေသည့်သံတံကျင်၌ မလှုပ်နိုင်အောင် စိုက် ထား ပြီးလျှင်ထိ သံတံမှထွက်သောမီးလျှံတို့က အမြဲပူလောင်စေတတ်သော တာပနငရဲ၊(ဆ)မီးလျှံထနေသောသံတောင်ကြီးနှင့် ထိုသံတောင်၏ အောက်ခြေ၌ သံတံကျင် တွေစိုက်ထူထားပြီးငရဲသူငရဲသားတို့ကို ငရဲထိန်းတို့က သံတောင် ပေါ်သို့ မတက်တက်အောင်ရိုက်နှက်၍ တင်ကြပြီးသံတောင်ပေါ်သို့ ရောက်သော အခါ ကံကြမ္မာအလျောက် လေမုန်တိုင်းပေါ်ပေါက်၍ ထိုလေမုန်တိုင်းက တောင် ခြေ၌ ရှိသောတံကျင်ပေါ်ရောက်အောင်တိုက်လွှင့်ချလိုက်သဖြင့် တံကျင်အဖျား၌ ကားခနဲ စူးဝင်ခြင်းခံကြရရှာသောမဟာတာပနငရဲ၊(ဇ) မီးတောက်မီးလျှံများအကြား မရှိပဲ တစ်ငရဲလုံး မီးလျှံများ ဆက်နေပြီး ငရဲသားချင်းလည်း ၀ါးကျည်တောက် အတွင်း မုန်ညှင်းစေ့ကလေးတွေပြည့်ကျပ်နေသကဲ့သို့ အကြားမရှိ ပြည့်ကျပ် နေအောင် ဆင်းရဲဒုက္ခ အကြားအရှိ၊ ဒုက္ခမှ လွတ်ကင်း၍ ချမ်းသာခွင့် လုံးဝမရနိုင်ဘဲ မီးလျှံ၊ သတ္တ၀ါ၊ ဆင်းရဲခြင်း ဒုက္ခ ဤသုံးမျိုးတို့ဆက်စပ်နေသော အ၀ီစိငရဲတို့နှင့် ထို ငရဲတစ်ထပ်တစ်ထပ်၌ဘင်ပုပ်ငရဲ၊ ပြာပူငရဲ ၊ လက်ပံတော ငရဲ ၊ သန်လျက်ရွက်တောငရဲ ၊ဝေတ္တရဏီ “သံရည်မြစ်ငရဲ” တို့က တံတိုင်းခတ် သကဲ့သို့ ရံပတ်၍နေသောငရဲအရပ်၌ ကျရောက်ရခြင်းလည်းကောင်း ၊ (၂) ဆင်၊ မြင်း၊ ကျွဲ၊ နွား ၊ ခွေး၊ ကြက်၊ ငှက် ငါးလိပ်စသော ကုန်းနေ ရေနေ အခြေလေး ချောင်း၊ အခြေနှစ်ချောင်း၊ အခြေအများ သတ္တ၀ါတို့နှင့်မြွေ စသောအခြေမရှိသော သတ္တ၀ါများဖြစ်ကြသည့်တိရစ္ဆာန် အဖြစ်ရောက်ရခြင်းလည်းကောင်း ၊ (၃) တစ္ဆေ ၊ မှင်စာ၊ သရဲ သဘက် အစိမ်း ဖုတ်ကောင် ကျတ်ကောင်စသည့် ပြိတ္တာ ဖြစ်ရခြင်းလည်းကောင်း ၊(၄) ပြိတ္တာအကြီးစားများ ဖြစ်ကြပြီး နေ့စံညခံ ၊ ညခံနေ့စံ စသည်ဖြင့်လည်း ခံနေကြရရှာသော အသူတကာယ်အရပ်၌ ကျရောက် ရခြင်းလည်းကောင်း၊ ကပ်သုံးပါး- (၁) တုတ် ဓါး သေနတ် ဗုံး အမြောက် စသောလက်နက်ဖြင့် သေကြေပျက်စီးရခြင်း(သတ္တန္တရကပ် ) ၊(၂) ပလိပ်ရောဂါ ၊ ကာလရောဂါ၊ ကျောက်ရောဂါ ၊ အဖျားရောဂါ စသည်ဖြင့် ကူးစက်မြန်သောကြောင့် မြို့နယ်အနှံ့ သေကြေပျက်စီးရခြင်း (ရောဂန္တရကပ်)၊(၃) မြို့နယ်အနှံ့အပြားတို့၌ အစားအသောက်ပြတ်ငတ်၍ သေကြေပျက်စီးရခြင်း (ဒုဗ္ဘိက္ကန္တရကပ် )တို့နှင့် ကြံကြိုက်ရခြင်းလည်းကောင်း၊ ရပ်ပြစ်ရှစ်ပါး- မဂ်ဖိုလ်ရအောင် တရားအားထုတ်ခွင့် မရခြင်းကြောင့် အပြစ်ဖြစ်သော အရပ်ဒေသ များဖြစ်ကြသည့် (၁၊၂၊၃)ဘုရား ပွင့်နေဆဲအခါငရဲ၊ တိရစ္ဆာန်၊ ပြိတ္တာစသော အပါယ်အရပ်(အသူတကယ်ကို ပြိတ္တာ မျိုး၌ယူ)၊ (၄) ဘုရားရှင်ပွင့်ဆဲဘုရားရှင်ကို မဖူးတွေ့နိုင်၊ တရားမနာနိုင်ကြရှာ သောခန္ဓာကိုယ်သာရှိ၍ စိတ်ဝိညာဏ်မရှိသော အသညသတ်ဗြဟ္မာများနှင့်စိတ် ၀ိ ညာဏ်သာရှိပြီး ခန္ဓာကိုယ်မရှိသော အရူပဗြဟ္မာများဖြစ်ကြသည့် ဒီဃာယုနတ် တို့အရပ်၊ (၅)အစွန်အဖျား တောတောင်အကြား လူရိုင်းများနေသည့် ပစ္စန္တရာဇ် အရပ် ၊(၆) ဘုရား ပွင့်ဆဲအခါ မိစ္ဆာဒိဋ္ဌိရှိနေခြင်း ၊(၇) ဘုရားပွင့်ဆဲအခါ တရားနားလည်လောက်သော ဥာဏ်မရှိသူ ၊(၈) တတ်သိ နားလည်လောက် သောဥာဏ်ရှိသော်ငြားလည်း ဘုရားမပွင့်သောအခါလူ ဖြစ်ရခြင်းလည်းကောင်း၊ ရန်သူမျိုးငါးပါး- (၁) ရေ၊(၂) မီး၊ (၃) ခိုးသူ ၊(၄) အမွေခံသားဆိုး သမီးဆိုး (၅) မင်းဆိုး စသည့် ဘေးငါးမျိုးနှင့်ကြုံတွေ့ရခြင်းလည်းကောင်း၊ ၀ိပတ္တတရား လေးပါး- ဖောက်ပြန်ချို့ယွင်းခြင်း၊ ပျက်စီးခြင်းဟုဆိုအပ်သော (၁)မင်းဆိုးမင်း ယုတ် အုပ်စိုးသောအခါ ဖြစ်သည့်ကာလ၀ိပတ္တိ ၊(၂)အပါယ်လေးပါးတို့၌ဖြစ်ရခြင်း စသည့်မကောင်းသော ဂတိဖြစ်၍ဂတိဝိပတ္တိ၊(၃) ရုပ်အဆင်းအင်္ဂါချို့တဲ့ ခြင်း စတဲ့ ဥပဓိဝိပတ္တိ၊ (၄)အသိအလိမ္မာဥာဏ်ပညာသတိဝီရိယမရှိပဲ ပြုမူ၊ပြောဆို၊ကြံစည် မူပယောဂ၀ိပတ္တိစသည့်မကောင်းသောအဖြစ်ဆိုးတို့နှင့်လည်းကောင်း၊ ဗျဿန တရားငါးပါးတို့မှ- (၁) ဆွေမျိုးပျက်စီးခြင်း - ဥာတိဗျဿန၊(၂)စည်းစိမ်ဥစ္စာပျက်စီး ခြင်းဘောဂဗျဿန၊(၃)အနာရောဂါဖြစ်ခြင်းရောဂဗျဿန၊(၄)မှားယွင်းသောမိစ္ဆာအယူကိုယူခြင်းဒိဋ္ဌိဗျဿန၊ (၅)သီလပျက်ခြင်းသီလဗျဿန စသောပျက်စီးခြင်းတို့ နှင့်ကြုံတွေ့ရခြင်းစူသော၊ အခါခပ်သိမ်းကင်း လွတ်ငြိမ်း သည်ဖြစ်၍- ဤမကောင်း သောတရားတို့မှအခါခပ်သိမ်းကင်းလွတ်ငြိမ်းသည်ဖြစ်၍၊ မဂ်တရား- သောတာ ပတ္တိမဂ်၊ သကဒါဂါမိမဂ်၊အနာဂါမိမဂ်၊အရဟတ္တမဂ်၊ ဖိုလ်တရား- သောတာပတ္တိ ဖိုလ်၊ သကဒါဂါမိဖိုလ်၊အနာဂါမိဖိုလ်၊အရဟတ္တဖိုလ်၊ နိဗ္ဗာန်ချမ်းသာ- ခန္ဓာအသစ် တစ်ဖန်မဖြစ်ရာ၊ သေခြင်းသဘောလည်းမရှိရာ၊ ဒုက္ခအပေါင်းမှလည်း ကင်းဝေးရာ အမြတ်ဆုံးချမ်းသာဖြစ်သည့်နိဗ္ဗာန်စသော၊ တရားတော်မြတ်ကိုရပါလို၏ အရှင် ဘုရား- တရားတော်မြတ်တို့ကိုသံသရာ၌ ကြာရှည်စွာမကျင်လည်ရတော့ပဲ အမြန်ဆုံးရရပါလို၏ အရှင်ဘုရား။
ဒုတိယအပိုဒ်တွင် ဆုတောင်းများပါရှိပါသည်။ထိုသို့ဆုတောင်းနေရုံတစ်ခုတည်းဖြင့် ကောင်းကျိုးတရားတို့သည် အလိုလိုရရှိခြင်းသည်လည်းကောင်း၊ ဆိုးကျိုးတို့ လွဲသွေရခြင်းလည်းကောင်း ဖြစ်လာလိမ့်မည် မဟုတ်ပါပေ။ မိမိ၏ ကိုယ်ကျင့် သီလတို့ကို အပျက်မခံဘဲ “တရားအားထုတ်၊ ကုသိုလ်လုပ်၊ အဟုတ်မပျင်းနှင့်” ဆိုသည့်အတိုင်း ဆုတောင်းနေရုံတင်မဟုတ်ဘဲ လက်တွေ့ကျင့်ကြံသွားမှသာလျှင် မိမိတို့အလိုရှိသော ကောင်းကျိုးတရားတို့သည် ထပ်ချပ်မကွာ ရောက်ရှိလာပေ မည်။
စာဖတ်သူတို့အားလုံး ကိုယ်ကျန်းမာ၊ စိတ်ချမ်းသာစွာဖြင့် တရားဘာဝနာ၌ မွေ့လျော်နိုင်ကြပါစေ။
စာရေးသူ- မင်းသက်စံ ရေးသားချိန် 8:04 PM 0 အကြံပေးချက်
